सोडवत आहे एकरेषीय समीकरणे
प्रतलावरती मांडुनी सुखदु:खाचे अक्ष
स्थापिला बिंदू स्वःतचा
सोबतिला जरी असतिल अनेक
बिंदूमधील अंतरे नात्याची
काही जवळ तर काही दूरची
निघाल्या रेषा कापण्यास ही अंतरे
सुखदु:खाच्या अक्षांना छेदती
गवसतील तेव्हा रेषांना
कधी कोन काटकोन त्रिकोण
आणि बदलून जाईल नशीब
मिळेल जेव्हा नवी दिशा नवा दृष्टीकोन
बदलत्या नशीबासोबत बिंदूही सरकत आहे
कधी पुढे-मागे कधी वरती-खालती
असेच करता करता सुटतील समीकरणे
उरतील हाती सुखदु:खाच्या किंमती...
यशवंत....
No comments:
Post a Comment